VTP Nədir?
VTP - Gənclərin iş dünyasını daha yaxşı başa düşməsi üçün
virtual şəkildə təşkil olunan Təcrübə Proqramıdır.

Sosial məsuliyyət prinsipindən çıxış edərək 2020-ci ildə "20 gəncin həyatına toxunaq!" şüarı ilə ilk əyani təcrübə proqramımızı həyata keçirdik. 2020-ci ilin ilk yarısında "Covid-19" pandemiyasının qlobal səviyyədə yayılmasından sonra proqramı ənənəvi şəkildə davam etdirmək mümkün olmadı. Pandemiyanı fürsətə çevirərək daha çox gəncin həyatına toxuna bilmək üçün Buta Grup şirkəti olaraq "Virtual Təcrübə Proqramı" layihəsinə start verdik. Belə ki, 2020-ci il 21 oktyabr-21 dekabr tarixləri aralığında ilk "VTP" layihəsini həyata keçirdik. Proqrama olan yüksək tələbat növbəti illərdə də davamlı şəkildə virtual təcrübə proqramları təşkil etməyimizə zərurət yaratdı. Böyük maraqla qarşılanan "VTP'20 Payız", "VTP'21 Yaz", "VTP'21 Yay", "VTP'21 Payız", "VTP'22 Yaz", "VTP'22 Yay", "VTP'22 Qış", "VTP'23 Yay", "VTP-9 NANO", "VTP-10 Biznes" və "VTP-11" proqramlarını təşkil etmiş və proqramı uğurla bitirmiş gəncləri işlə təmin etmişik.

Mükafatlar

1-ci yer

1000 ₼

2-ci yer

750 ₼

3-cü yer

500 ₼

4-cü yer

250 ₼

5-ci yer

250 ₼

6-cı yer

250 ₼

Haqqımızda

Buta Grup hərtərəfli İT şirkətidir. Buta Grup-un komandası müştərilərinin A-dan Z-yə bütün ehtiyaclarına uyğun xidmətlər təklif edir. Təklif edilən xidmətlərə şirkətlər üçün korporativ şəxsiyyətin yaradılmasından başlayaraq, sosial media idarəçiliyi, veb dizayn, veb-saytların hazırlanması, E-Ticarət, qrafik dizayn, brendin idarə edilməsi, rəqəmsal marketinq, proqram təminatının hazırlanması, məsləhətçilik daxildir.
Korporativ və ya tək iş olmasından asılı olmayaraq, bütün layihələr strateji planlara uyğun olaraq hazırlanır, uğurlu bir çəkildə davam etdirilir və lazım olan tarixdə təhvil verilir. Nəticədə bütün müştərilərimiz bizdən razı qalır. Buta Grup bütün bunları mümkün olan ən aşağı büdcə ilə edir!

Namizədə tələblər

Son kurs tələbələri və ya yeni məzun olmuş şəxslər
Ünsiyyət qurma bacarığı
Komandada işləmə bacarığı
Daim öyrənmək həvəsi
İş təcrübəsi olmayan namizədlər müraciət etsin.

Təcrübə Proqramından əldə edəcəkləriniz

Proqram müddətində müxtəlif təlimlərdə ödənişsiz iştirak
Tanınmış şirkətlərin CEO-ları ilə onlayn görüşlər
Real iş təcrübəsi
Bitirmə sertifikatı
İş imkanı

VTP-10 Biznes

Layihəsinin Statistikası

0

Namİzəd

0

İştİrakçı

0

Buta Akademi Vebinar

0

Tapşırıq

0

Vebinar

0

Business Talks

0

İŞƏ QƏBUL OLAN

VTP-9 NANO

Layihəsinin Statistikası

0

İştİrakçı

0

Vebİnar

0

Tapşırıq

0

Rəhbərlə görüş

0

Praktİkİ Görüş

0

İŞƏ QƏBUL OLAN

VTP'22 Yaz

Layihəsinin Statistikası

0

TAPŞIRIQ

0

RƏHBƏRLƏ GÖRÜŞ

0

PRAKTİKİ GÖRÜŞ

0

İŞƏ QƏBUL OLAN

İstifadə olunacaq platformalar

Tətbiqlər haqqında qısa məlumatlar.

Google Classroom

“Google” tərəfindən təhsil və təlim mərkəzləri üçün yaradılan, öyrənmə mərhələlərini kağızsız və rəqəmsal şəkildə həyata keçirməyi hədəfləyən platformadır. Eyni interaktiv sinifdə yer alan istifadəçilər öyrənmə, test və dəyərləndirmə kimi proseslərdə bir arada iştirak edə bilər. Platforma sinifi yaradan admin və ya adminlər tərəfindən idarə edilir.

Bitrix24

Bitrix24 standart CRM proqramından çoxu və biznesin inkişafı vasitəsidir. Bu, biznesdə qarşılıqlı əlaqələri və daxili kommunikasiyaları bir platformadan idarə etməyə imkan verir. İstifadə imkanları və funksiyonallığı yüksək səviyyədə olan bu platformanı həm mobil versiya üzərindən, həm də veb səhifəsi şəkilində kompüterlərdə istifadə etmək mümkündür.

Odoo

Odoo şirkətlərin bütün ehtiyaclarını əhatə edən açıq mənbəli biznes proqramları toplusudur: CRM, e-ticarət, mühasibat uçotu, inventar, satış, layihənin idarə edilməsi və s. Daxilində olan Odoo Games - praktik vərəqlər vasitəsilə "Odoo Scale Up!" biznes oyunu gənclərə inteqrasiya olunmuş idarəetmə proqramının funksiyalarını addım-addım kəşf etməyə imkan verir

Zoom

Pandemiya dövründə məhşurlaşan və milyonlarca istifadəçi sayına çatan Zoom platforması çoxsaylı qruplar, komandalar üçün məsafədən video bağlantı qurmaq üçün istifadə edilir. Tətbiq sahəsi sadəcə video bağlantı ilə məhdudlaşmayan bu platformada bağlantı zamanı bir çox inkişaf etdirilmiş funksiyalardan istifadə etmək mümkündür.

Telegram kommunikasiyanın qurulması üçün sadə interfeysi olan, funksional və sürətli platformadır. Proqram ərzində telegram kommunikasiyanın qurulması üçün istifadə olunacaq. Proqramda iştiraka haqq qazananlar ilk olaraq VTP telegram qrupuna əlavə ediləcək. Proqram ərzində elanlar, tapşırıqlar və digər lazımi məlumatlar bu qrupda iştirakçılarla paylaşılacaq.

Proqramın Tərkibi

Proqram müddətində ediləcəklərin yol xəritəsi

Hansı istiqamətləri əhatə edəcək?

Proqram iş dünyası və texnologiyaya maraqlı hər kəs üçün nəzərdə tutulmuşdur. Proqram ərzində günümüzün texnologiyaları və texnologiyadakı yeni tendensiyalardan bəhs ediləcək.

Tapşırıqlar

Bu mərhələdə təcrübəçilər iş mühiti ilə tanış olmaq imkanı əldə edəcəklər. Şirkətin idarəetmə sistemi ilə və real iş axışlarının (workflows) gedişatı ilə tanış ola biləcəklər. İş mühitində onlayn olaraq yerinə yetirilməsi mümkün olan tapşırıqlar veriləcək və layihə idarəetməsi şəklində davam edəcək.

Təlimatlandırma

Proqram müddətində mentorlar iştirakçılara dəstək göstərəcək. Layihə və tapşırıqların tətbiqi zamanı mentor tərəfindən anlıq olaraq və digər zamanlarda təlimatlar veriləcək. Layihələr və tapşırıqlar zamanı yaranan sualları mentorlara ünvanlandıra bilərsiniz.

Təqdimetmə

Verilmiş tapşırıqların tamamlanma mərhələsi təqdimetmə və qiymətləndirmə ilə bitəcək. Qiymətləndirmə şirkət rəhbərliyi və mentorlar tərəfindən, eləcə də komanda üzvləri tərəfindən aparılacaq. Hər bir qiymətləndirmədə təcrübəçilər özləri də iştirak edə biləcəklər.

İştirakçı Fikirləri

VTP'20 , VTP'21 Yaz , VTP'21 Yay, VTP'21 Payız , VTP'22 Yaz, VTP'22 Yay, VTP'22 Qış və VTP'23 Yay təcrübə proqramında iştirak edənlərin layihə haqqında düşüncələri

Aytən Bayramova (VTP'23 Yay)

Gənclər üçün bu imkanı yaratdığınız üçün ilk öncə Buta Grup-a təşəkkürlərimi bildirirəm. VTP 8 ilə bizlər real iş mühitinə tam hazır olduq. Təcrübə müddətində verilən umumi və şöbə tapşırıqları sayəsində çox şeylər öyrəndim və İT sahəsində qazandığım təcrübələr sayəsində karyeramın uğurlu olacağına inanıram.

Ayişə Heydərli (VTP'23 Yay)

Gənclərə, tələbələrə real biznes mühitini öyrənmək şəraiti yaratdığınız üçün sizə minnətdaram. Bu proqramdan əldə etdiyim biliklərin gələcək karyeramı qurmağımda mənə işıq olacağına əminəm. Əziyyətiniz üçün çox təşəkkürlər!

Fidan Qədirova (VTP'23 Yay)

Məndə VTP' 23-un iştirakçısı olaraq deyə bilərəm ki, düzgün planlaşdırılmış sistem, olduqca əhatəli və faydalı həm seçdiyimiz sahə üzrə, həm də ümumi bilikləri bizlərlə paylaşdığınız və bizlərə bu imkanı yaratdığınız üçün Təşəkkürlər!

Ziyafət Soltanzadə (VTP'23 Yay)

VTP təcrübə proqramı perspektivimi dəyişdirərək, yeni bacarıqlar əldə etməyə və özümü daha da inkişaf etdirməyə imkan verdi. Kollektivdəki tərəfdaşlarım və mentorlarım sayəsində öyrəndiyim çox şey var və bu mənim üçün çox böyük şansdır.

Selcan Ədilova (VTP'23 Yay)

VTP proqramı boyunca nəinki öz seçdiyim sahə olan mühasibatlıq həmçinin biznesin müxtəlif sahələri haqqında məlumat əldə etmiş oldum.Verilən tapşırıqlardan yeni bacarıqlar öyrəndim hansı ki, onlardan indi də istifadə edirəm.Rəhbərlərlə keçirilmiş görüşlərdə onların təcrübəsindən faydalandım.Həmçinin proqramın virtual olması yay tətilini səmərəli keçirməyimə səbəb oldu.

Mənzər Qənbərova (VTP'22 Qış)

Mənim üçün çox faydalı bir 3 ay oldu. Virtual şəkildə olduğu üçün gözləntilərim də o yöndə idi, lakin bu qədərini təsəvvür etmirdim. Hər şeydən öncə HR sahəsinin bilmədiyim hissələri ilə tanış oldum. Nəyin ki bilmədiklərimi, daha öncə tanış olmadığım proqramları öyrənmiş, tanımış oldum. Bununla yanaşı özümü tanımaq üçün də çox faydalı oldu proqram. Komandanız bir sıra əyani təcrübədən əldə edilməyəcək bilik və təcrübələrini bizimlə bölüşdü. Sadəcə texniki bacarıqlar deyil, həmçinin bir çox yumşaq bacarıqlar da əldə etmiş oldum. İndiyə qədər bəlkə də diqqət etmədiklərimizin əslində necə də önəmli olduğunu, əmək bazarında nəyin gələcəyi və önəmi olduğunu göstərdiniz. Ən əsası bunu könüllü şəkildə və ciddi bir məsuliyyət ilə etdiniz. İnşallah "VTP" ilə qurduğumuz bu əlaqələr davamlı və hər iki tərəfə faydalı olar.

Gülər Yusifli (VTP'22 Qış)

Yeni məzun olmuş biri kimi demək istəyirəm ki, həqiqətən "VTP" çox faydalı oldu mənim üçün. Çünki bilmədiyim bir çox şeyləri öyrənməyə kömək oldu. Təcrübə proqramına qatıldığım üçün məmnun oldum. Hər birinizə təşəkkür edirəm.

Minayə Hacıyeva (VTP'22 Qış)

Düşünürəm ki bu təcrübə proqramı bizim hər tərəfli inkişafımıza və biliklər əldə etdiyimizə kömək oldu. Hər şey üçün təşəkkürlər.

Nərgiz Zeynallı (VTP'22 Qış)

Hər şey üçün çox sağ olun. "VTP" gözləntilərimin üzərində bir təcrübə proqramı oldu. Öyrətdikləriniz, anlayışınız və səbriniz üçün təşəkkür edirəm.

Nazlı Kərimova (VTP'22 Qış)

Mən öz adımdan bu proqramda əməyi keçən hər kəsə təşəkkür edirəm. Öz adıma deyə bilərəm ki, mənim üçün çox faydalı oldu. Bu proqram həm mənə hansı işi seçməli olduğum mövzusunda istiqamət verdi, həm də yeni şeylər öyrəndim.

Aytac Əliyeva (VTP'22 Qış)

Mən bu təcrübə proqramında əməyi keçən hər kəsə təşəkkürümü bildirirəm. Mənim üçün çox fərqli, faydalı təcrübə oldu. Bütün "VTP" iştirakçılarına uğurlar arzu edirəm.

Süsən Kərimova (VTP'22 Qış)

Belə bir proqram yaratdığınız üçün, xüsusilə biznes sahəsində təhsil alan və hansı sahə üzrə ixtisaslaşmaqda qərarsız qalan gənclərdən biri olaraq, sizə təşəkkür edirəm. Proqram həm şəxsi inkişafım üçün, həm də karyera yolum üçün çox faydalı oldu.

Dilbər Umudlu (VTP'22 Qış)

Başda Alim bəy olmaqla, proqramı təşkil edən hər kəsə təşəkkür edirəm. Mənim üçün çox faydalı oldu. Təcrübəmə təcrübə qatdı bu proqram. Bütün iştirakçılara karyera həyatında uğurlar arzulayıram.

Müşfİq Mehtİzadə (VTP'22 YAY)

Çox faydalı oldu proqram... Əziyyəti keçən hər kəsə təşəkkür edirəm. Özəlliklə, məlumatlandırmada yalnız sektor olaraq deyil, bağlantılı mövzulara da toxunmağınız ümumi məlumat almağımıza dəstək oldu, özgüvənimizin artmasına müsbət təsir etdi deyə düşünürəm. Başlanğıcda mən də virtual olduğuna görə bir qədər soyuq yanaşmışdım, amma koordinasiyanız, sistemliliyiniz çox xoşuma gəldi. Azərbaycan mühitində az rast gəlinir belə örnəklərə. Hər şey üçün təşəkkürlər.

Aytən Ələsgərlİ (VTP'22 YAY)

Xüsusilə, inşaat sahəsində onlayn təcrübə proqramı necə olacaq deyə tərəddüddə idim. Lakin çox faydalı və maraqlı keçdi. Hərkəsə təşəkkür edirəm.

Sİma Manİyeva (VTP'22 YAY)

Əməyi keçən hər bir kəsə təşəkkür edirəm. Ümumiyyətlə, bu proqramın həyatıma qatdığı üstünlüklər həddən artıq çoxdur. İstər İT sahəsində, istərsə də digər sahələrdə yetərincə faydalı, ətraflı məlumatlar əldə etdim. Bir daha təşəkkürlər!

Şaİq Nağıyev (VTP'22 YAY)

Proqram çox maraqlı keçdi, bal sıralaması, xüsusilə, rəqabət olduğu üçün maraqlı idi. Başda Alim bəy, Anar bəy və Mehman bəy olmaqla, hər bir kəsə təşəkkür edirəm!

Nərmİn Səfərlİ (VTP'22 YAY)

Bu proqram mənim sahə biliklərimə və biznes sahəsi üzrə nələr edə biləcəyimə toxunduğu üçün özümü çox şanslı hiss edirəm. Bu arada VTP təcrübə proqramı "UNEC"-də olduqca rəğbət bəslənən bir proqramdır. Mən bu proqrama ilk dəfə qrup yoldaşlarımla müraciət etdim, üçüncü müraciətdə seçilməyimə baxmayaraq, yenə də çox şanslıyam, çünki mənə qatqısı çox oldu, həm əylənib, həm də öyrənməyi bacardıq. Həmçinin planlı və özgüvənli olmağı öyrətdi. Başda siz, Alim bəy və Çinarə xanım olmaqla, əməyi keçən hər kəsə təşəkkür edirəm.

Zöhrə Aydınova (VTP'22 YAY)

Mən də öz adımdan əməyi keçən hərkəsə öz təşəkkürümü bildirirəm. Bir-birindən maraqlı və faydalı görüşlər, dəyərli məlumatlar əldə etdiyim üçün çox təşəkkür edirəm. Yaxşı ki yolum "VTP"-dən keçdi!

İlkİn Hacıyev (VTP'22 YAY)

Proqram çox faydalı oldu... Verilən tapşırıqları əlimizdən gəldiyi qədər yerinə yetirməyə çalışdıq. Öz adıma danışsam, yeni texnologiyalar ilə tanış oldum. Bu texnologiyaları əlimdən gəldiyi qədər tapşırıqlarda da tətbiq etməyə çalışdım. Proqramın mənə qatdığı vacib nüanslardan biri də sərbəst şəkildə daha yaxşı, daha sürətli işləməyimə kömək olması idi. Əməyi keçən hər kəsə bir daha təşəkkür edirəm, çox sağ olun.

Səmİmİ Mehdİyeva (VTP'22 YAY)

Mən, bu təcrübə proqramına qoşulanda layihədən gözləntilərimiz hissəsinə seçdiyim sahə üzrə bilik və bacarıq qazanmaq, yeni təcrübələr əldə etmək deyə qeyd etmişdim. Həqiqtən də keçən 3 aya baxanda, tamamilə, fərqli sahələrdə hər gün, hər dərsdən yeni şeylər öyrənməyin, yeni dəyərli insanlar tanımağın sevinci var üzərimdə. Əsas məqsədimiz nəsə öyrənmək, öyrənərək əylənməkdir hər zaman. Gəncləri düzgün yönləndirdirməyiniz, yeni iş mühitinə, həyata qazandırmağınız bu işin ən dəyərli hissəsidir. Əməyi keçən hər kəsə təşəkkür edirəm!

Gulsabah Mustafayeva (VTP'22 YAY)

Virtual təcrübə proqramı istər rəqəmsal marketinq sahəsi, istərsə də biznes sahəsi üzrə olsun, biliklərimin inkkişafına müsbət təsir göstərdi. Əməyi keçən hər kəsə təşəkkürümü bildirirəm.

Elvİn Əsgərov (VTP'22 YAY)

Başda Alim bəy olmaqla, Nəzrin xanım, Ramiz bəy və digər əməkdaşlara təşəkkür edirəm, çox sağ olun. Biznes mühiti və rəqəmsal marketinq haqqında çoxlu yeni bilgilər əldə etdim. Proqramın necə tez keçdiyini bilmədim, bir daha təşəkkürlər!

Leyla Mİrzəyeva (VTP'22 YAY)

Təkcə biznes və şöbə görüşləri ilə deyil, ümumi mənada həyat baxışıma toxundu "VTP". Heç bir təcrübə olmadan başladığım bu yolun sonunda nə qədər yeni məlumat öyrəndiyimi sayıb bitirə bilmərəm belə. Başda fərqinə varmasam da, bu şansın ilk dəfədən mənə tanınması böyük bir lütf idi mənim üçün, keçən zamanla başa düşdüm. Başda biliyin paylaşdıqca artdığını öyrədən Alim bəy, çox mehriban və əziz şöbə rəhbərimiz Taleh bəy və hər problemdə yanımızda olan Günay xanım olmaqla, əməyi keçən hər kəsə təşəkkür edirəm.

Raul Omarov (VTP'22 YAY)

Təcrübə proqramı onlayn olmasına baxmayaraq, mənim üçün çox faydalı oldu, əsasən də, texniki biliklərimi, "deadline" ilə işləmək bacarıqlarımı inkişaf etdirdim. Alim bəy, tələbələr üçün belə bir virtual təcrübə proqramı təşkil etdiyinizə görə sizə təşəkkür edirəm. Həmçinin şöbələri idarə edən rəhbərlərə, əməyi keçən hər kəsə təşəkkür edirəm!

Səbİnə İbrahİmova (VTP'22 Yaz)

Alim bəy, mən də çox təşəkkür edirəm bu proqram üçün. Mənə özümü tapmaqda kömək oldu. Onlayn olması mənim üçün üstünlük idi. Çünki mən rayonda yaşayıram və bu proqramın onlayn olması mənim üçün əsl fürsət oldu. Çox şey öyrəndim, özümü inkişaf etdirdim. Buna vəsilə olduğunuz üçün çox minətdaram sizə. Çox sağ olun, İşlərinizdə uğurlar!

Nadİrə Məmmədova (VTP'22 Yaz)

İlk öncə bu proqramın təşkili və həyata keçirilməsində əməyi keçən hərkəsə təşəkkür edirəm. Alim bəy, sizin seminarlarınız, Taleh bəyin İR-dən verdiyi məlumatlar və praktiki tapşırıqlar çox faydalı oldu.Təşəkkürlər bütün əməkdaşlarınıza.

Qərİb Əşrəfov (VTP'22 Yaz)

Bu proqramın təşkil edilib həyata keçirilməsində əmək sərf edən hər kəsə öz təşəkkürümü bildirirəm. Həqiqətən iş və sıx qrafikə baxmayaraq, bizlərə də vaxt ayırıb məlumatlandırdınız. Həqiqətən də təqdirəlayiqdir. Sizlərə, həmçinin digər təcrübəçilərə uğurlar arzulayıram!

Ləman Namazlı (VTP'22 Yaz)

Öncəliklə, VTP komandasına dərin təşəkkürlərimi bildirirəm, yaxşı ki, belə bir proqram var və mən də bu proqrama qoşuldum. Mən İnsan Resursları sahəsində karyeramı qurmaq istəyirəm və bu sahədə mənim ilk təcrübəm oldu. Taleh beyin sayəsində bu sahədə biliklər əldə etdim. Praktiki tapşırıqlar çox faydalı oldu. Her şey üçün təşəkkür edirəm. Sizləri tanımaq məniim üçün çox xoş oldu. İşlərinizdə uğurlar arzu edirəm!

Ləman Rəzzaqlı (VTP'22 Yaz)

Salam, mənim üçün VTP-nin ən yaxşı xüsusiyyətləridən biri istədiyim şöbələrin dərslərinə qoşula bilməyim idi. Maraqlı olan şöbələrə və maraqlı olan mövzuların görüşlərinə qoşula bilmə fürsəti əldə etdim. Bundan əlavə real iş ortamından insanlarla təşkil edilən görüşlərdə suallarıma cavab tapa bildim. Alim bəyin görüşlərində yeni bilgilər öyrəndim. Ən əsası da bu proqramda nələri bilmədiyimi də öyrəndim. Belə bir fürsəti yaratdığınız üçün əməyi keçən hər kəsə təşəkkürlərimi bildirirəm!

Aydan Şükürlü (VTP'22 Yaz)

Mən də VTP komandasının hər bir üzvünə öz dərin minnətdarlığımı bildirirəm. Şəxsi inkişafımda yeni bir mərhələ, yeni bir addım oldu. Belə proqramı təşkil edib, tələbələrə, gənclərə şərait yaratdığınız üçün çox sağ olun. HR sahəsində Taleh bəyin sayəsində təməl bilgilərə sahib oldum. Praktiki tapşırıqlar isə ayrıca maraqlı və öyrədici idi. Hər birinizə təşəkkürlər və iş həyatınızda uğurlarr!

Aysel Cabbarova (VTP'21 Payız)

Bizə çox faydalı 3 ay bəxş etdiniz. Ən əsası real iş təcrübəsi ilə və kollektivlə tanış olduq. Bütün kollektivə əməkləri üçün təşəkkürlər! Proqramda iştirak edən hər kəsə uğurlar!

Afaq Nəzərəova (VTP'21 Payız)

Məndə eyni anda həm Təhsil İnstitunda mentor kimi həm də, VTP-də iştirakın necə olduğunu düşünürdüm. Hər şey maraqlı oldu.

Sücahət Qurbanlı (VTP'21 Payız)

Bu təcrübə proqramı vasitəsilə real iş təcrübəsi ilə tanış oldum. IT ilə yanaşı biznesin də əsaslarını öyrəndim. Çox təşəkkür edirəm ki, gənclərə bu şansı yaratdınız.

Zeynəb Muradlı (VTP'21 Payız)

Bizə bu imkanı yaratdığınız üçün çox təşəkkürlər. 3 ay boyunca bizə çox böyük qatqılarınız oldu.

Günel Yusİfova (VTP'21 Payız)

Əsas da baxış bucağımı dəyişdiyiniz üçün yeni fikirlər və biliklər qazadırdığınız üçün çox sağolun.

Turanə Həsənlİ (VTP'21 Payız)

Artıq mənim ətrafımda hər kəs qoşulmaq istəyir. Bu 3 ayda bizə geniş vizyon qazandırdınız, çox dəyərli görüşlərimiz oldu, ən əsası daim nəsə öyrətməyə çalışırdınız, suallarımıza aktiv cavab verdiniz. Çox təşəkkür edirəm!

Aydan Heydərlİ (VTP'21 Payız)

Qatıldığım ən gözəl təcrübə proqramı oldu. Bizə qatdıqlarınıza görə hər birinizə dərin minətdarlığımı bildirirəm!

Vüqanə Nuralİyeva (VTP'21 Payız)

Proqrama ilk müraciət edəndə virtual təcrübə proqramı olduğu üçün tərəddüd içərisində idim, amma indi görürəm ki, bu 3 ay ərzində bir çox şey əldə etmişəm. Şöbə görüşlərində, karyera görüşlərində, Emre bəylə excel dərslərində və daha bir çox görüşdə bir çox bilik əldə etdim. Buna görə Alim bəyə və proqramda zəhməti olan hər kəsə təşəkkür edirəm.

Kamran Məmmədzadə (VTP'21 Payız)

Başda Alim bəy olmaqla HR şöbəsi üzrə bizi dəyərli məlumatlarla sahənin dərinlikləri ilə tanış etdiyinə görə Taleh bəyə dərin təşəkkürümü bildirirəm. VTP boyunca təkcə HR şöbəsi ilə bağlı deyil, digər şöbələrin də görüşlərinə qatılıb hərtərəfli inkişaf üçün faydalandım. Hər bir şöbənin rəhbərinə minnətdaram. Bizə qatdığınız dəyər üçün çox sağolun!

Səma İsparova (VTP'21 Payız)

Bizim üçün bu 3 ay çox maraqlı və faydalı təcrübə oldu. Ən bəyəndiyim təlimlər HR və rəhbərlərlə görüşlər idi. Sadəcə istəyərdim ki, HR təlimləri həftədə ya iki dəfə, ya da 1 saat 30 dəqiqə olsun. Taleh bəy çox maraqlı izah edirdi təlimi ona görə də doymadım HR təlimlərindən.

Eyla Musayeva (VTP'21 Yay)

Mən başda Alim bəy olmaqla, təşkilatda əməyi keçən hər kəsə təşəkkürümü bildirirəm. Öyrəndiklərimin kariyerama müsbət təsir edəcəyinə inanıram. Bundan əlavə təcrübə müddətində çox əyləndim, əylənərkən öyrəndim. Ofisi ziyarət etdikdə qonaqpərvərliyiniz, səmimi kollektiviniz xüsusən diqqətimi cəlb etdi. Bütün bunlara görə, yeni VTP-yə qoşulmağa artıq bir neçə dostumu təşviq etmişəm. Heç bir qarşılıq gözləmədən belə layihələr təşkil etdiyiniz üçün bütün gənclər adına minnətdaram!

Aytac Hacıyeva (VTP'21 Yay)

Mən də öz adımdan əməyi olan hamına təşəkkür edirəm. Alim bəy, Taleh bəy, Emre hocadan, bütün təlimlərdən, Odoo gamesden çoxlu yeni, maraqlı şeylər öyrəndim. Çox sağolun belə bir program təşkil etdiyiniz üçün. Məhəmməd bəy və Nihal xanıma da bütün suallarımızı cavablandırdıqları, səmimi yanaşmaları üçün təşəkkürlər.

Nİlufər Məmmədova (VTP'21 Yay)

Mən də öz adıma həm ön planda , həm arxa planda çalışan hər kəsə təşəkkürümü bildirirəm. Biz gənclərə dəstək verdiyiniz üçün sizə minnətdaram.

Leyla Cəbİyeva (VTP'21 Yay)

Hər birinizə bizə yaratdığınız bu imkana görə təşəkkür edirəm. İmkanların bu qədər məhdud olduğu bir vaxtda bizə çox şey öyrtədiniz. Xüsusilə Taleh müəllim, bütün suallarımıza səbrlə cavab verdiyiniz, heç bir məsələnin qaranlıq qalmasına imkan vermədiyiniz üçün təşəkkürlər.

Səmayə Hümbətəlİyeva (VTP'21 Yay)

Məndə Alim bəy, Anar bəy, Nihal xanım başda olmaqla, bütün heyətə öz təşəkkürümü bildirirəm. Çox sağolun iş vaxtınızdan bizə zaman ayırdığınız üçün istər sahəmizlə bağlı, istər şəxsi keyfiyyətlərimizi inkişaf etdirməklə bağlı gözəl məlumatlar edindik. Əylənərkən öyrəndik, öyrənərkən əyləndik. Bir daha təşəkkürlərr

Xəyalə Həzİyeva (VTP'21 Yay)

Hərkəsə öz əməyinə və bizə verdiyi faydalı məlumatlara, yeni biliklərə görə sonsuz təşəkkürümü bildirirəm

Elgün Sarıyev (VTP'21 Yay)

Təcrübə proqramı boyunca Buta Grup əməkdaşlarına öz səmimiyyətinə və göstərdiyi köməklərinə görə təşəkkür edirəm. Təcrübə proqramı boyunca həqiqətən yeni şeylər öyrəndik, həm şöbələrlə görüşlər, həm rəhbərlər ilə həm də motivasiya videolar hər biri çox şey qatdı bizə. Bütün əziyyətləriniz üçün bir daha Təşəkkürlər

Zemfİra Quluzadə (VTP'21 Yay)

Hər şey üçün təşəkkür edirəm. Unudulmaz bir yay yaşadıq sayəsinizdə. Həm əyləndik, həm öyrəndik. Haqqınızı halal edin. Çox sağ olun.

Aybənİz Əlİyeva (VTP'21 Yaz)

Çox tez keçdi 3 ay. Bu təcrübə proqramına qoşularkən heç də bu qədər çox şey öyrənə biləcəyimi təxmin etmirdim. Virtual olduğu üçün bu qədər səmimi bir mühit olacağını da gözləmirdim. Çox təşəkkürlər hər birinizə, xüsusən də Alim bəy sizə, bizə belə bir fürsət yaratdığınız üçün. Mənim üçün gözəl bir təcrübə oldu. Hər görüşə böyük həvəslə qatılırdım. Digər iştirakçıları tanıdığım üçün də şad oldum. Bir sözlə gözləntilərimin qat-qat üstündə bir praqram oldu. Əziyyətlərinizi halal edin.

Günel Ağakİşİyeva (VTP'21 Yaz)

Başda təşkilatçılıq üçün, Alim bəy, sizə, daha sonra isə Nihal xanım və Amil bəyə bütün suallarıma və təkliflərimə çox səbrli və operativ bir şəkildə cavab verdiyi üçün təşəkkür edirəm. Ümumilikdə hər bir şey əla idi.

Aydan İsgandarova (VTP'21 Yaz)

Onlayn şəkildə gözlədiyimdən qat-qat çox şey öyrəndim. Ümumiyyətlə, tapşırıqlar, görüşlər maraqlı və öyrədici olurdu. Ən çox sevdiyim "SWOT" analiz, "Process" və "Mind Mapping" şəklində olan tapşırıqlar idi. Praktik olaraq yerinə yetirdiyimiz üçün asanlıqla yadda qalırdı.

Rəmzİyyə Əlİyeva (VTP'21 Yaz)

Mən də təşəkkür edirəm hər şey üçün. Qoşulduğum görüşlərdə özümü daha da inkişaf etdirdiyimi və gələcək üçün mənə böyük faydası olduğunu düşünürəm. Sizin komandanın üzvü olmaq xoş oldu.

Nuray Allahverdİyeva (VTP'21 Yaz)

Xüsusilə pandemiya dövründə belə bir proqramla tanış olub qatılmağım həm motivasiyamı yüksək tutmağıma, həm də səmimi bir mühitdə sosiallaşaraq bərabər öyrənmənin sevincini yaşamağıma səbəb oldu. Sanki 3 aylıq bir məktəbdə oxuduq, indi də məzun oluruq. Həyatımızda gözəl bir iz buraxdığınız üçün hamınız haqqınızı halal edin.

Gülhanə Nəcəflİ (VTP'21 Yaz)

Mən də hər kəsə təşəkkürümü bildirirəm. Mənim üçün faydalı 3 ay oldu. Hər şeyə görə çox sağolun.

Aytən Qurbanova (VTP'21 Yaz)

Başda, Alim bəy, siz olmaqla, VTP komandasına təşəkkürlərimi bildirirəm. Bu müddət ərzində çox şey öyrəndik sizlərdən. Və belə aktiv komanda yoldaşlarımla birlikdə olduğuma məmnun oldum. Hər şey üçün təşəkkürlər!

Məhəmməd Quluzadə (VTP'21 Yaz)

Mən bu təcrübə proqramında həm texniki, həm sosial biliklər əldə etdim. Amma bu proqramda insanların hayatında müsbət dəyişikliklər yaratma, daima öyrənmə, öyrətmə və bundan həzz almaq kimi şeyləri prinsip etməyə çalışdım. Gələcək həyatıma böyük dəyər qatdığımı düşünürəm. Yəni bu texniki və sosial bilikləri bir çox müəssisədə əldə edə bilərik. Amma bu idarəçilik mədəniyyəti örnəyini, geniş vizyonu hər şirkətdə görməyəcəkdik. Bu da gələcəkdə peşəkar həyata daha kiçik baxış bucağı ilə baxmağıma səbəb olacaqdı. Ümumiyyətlə iş dünyasına baxışım dəyişdi. Həqiqətən çox əziyyət çəkdiniz. Hər şey üçün minnətdaram.

Səİdə Məmmədova (VTP'21 Yaz)

Mən bu təcrübə proqramına müraciət edərkən Satınalma və Mühasibatlıq şöbələri üzrə qərarsız qalmışdım, daha sonra satınalma üzrə təcrübə imkanlarının nisbətən daha az olduğunu düşünüb bu sahəni seçdim. Sizə də təşəkkür edirəm ki, digər şöbələr üzrə də görüşlərə qatılmaq imkanı yaratdınız. Beləliklə, həm Anar bəydən, Mehman bəydən, həm də Mühasibatlıqdan Müslüm və Ceyhun bəydən də çox şey öyrəndim. Təkcə sizlərdən deyil, digər iştirakçılardan da öyrəndiyimiz yeni şeylər oldu. Emre bəyin də zəhməti danılmazdır təbii ki. Təşəkkür edirəm hər birinizə, VTP`21-in bir parçası olmaq çox xoş oldu!

Kənan Əhmədlİ (VTP'21 Yaz)

Mən də hər kəsə təşəkkürümü bildirirəm. Bu zaman içində qazandıqlarım karyeram üçün olduqca faydalı olduğunu düşünürəm, həmçinin rəqabətli və səmimi mühitdə olduğuma görə çox məmnun oldum. Bir daha təşəkkürlər!

Şəfəq Süleymanova (VTP'21 Yaz)

Mən də təşəkkür edirəm hər kəsə, demək olar ki həftə içi hər gün dəyərli vaxtınızı bizə ayırdığınız üçün. Mənim üçün də faydalı oldu bu proqram, xüsusilə də Mühasibatlıq şöbəsi ilə görüşlər mühasiblik işinə olan marağımı artırdı, karyerama mühasib olaraq başlamaq qərarımı da bu proqrama qoşulduqdan sonra dəqiqləşdirdim.

Məhəmməd Nəbİzadə (VTP'21 Yaz)

Əvvəla hər kəsə təşəkkür edirəm bu gözəl fürsət üçün. Həqiqətən çox şey öyrəndim və gözlədiyimdən daha da maraqlı və faydalı oldu. 3 illik universitet təhsilimdə öyrəndiyimdən daha çox bilgi əldə etdim bu 3 ayda.

Günay Həsənova (VTP'21 Yaz)

VTP'21 proqramının istər mənəvi, istərsə də akademik cəhətdən qatdığı dəyər ölçülməzdi mənə görə. Bəlkə günün birində kiməsə karyera rəhbərliyi edə bilsəm, hər halda sözlərimə bu proqramdan əldə etdiklərimlə başlayacam. Elə bir görüş, elə bir video vebinar olmadı ki, burdan nələrisə öyrənməyim. Bizlərə bu cür imkan və şans tanıdığınız üçün başda Alim bəy olmaqla, proqramda əməyi keçən hər kəsə təşəkkür edirəm. Haqqınızı halal edin!

Elvİn Ağalarov (VTP'20)

2 ay ərzində əməyi keçən hər kəsə təşəkkür edirəm və bu sayədə özümü inkişaf etdirmək şansını verdiyiniz üçün minnətdaram. İnşallah iş həvəsimizlə əla layihələrə imza atarıq.

Elmar Xəlilov (VTP'20)

Mən də öz adıma kollektivə təşəkkürümü bildirirəm. Şirkət mədəniyyətinin və iş mühitinin nə dərəcədə önəmli olduğunu, spesifik bilgilərlə bərabər dünya görüşü və hər sahədən nələrisə öyrəndim. Daha yaxşı, uğurlu günlər diləyilə, minnətdaram hər bir kəsə.

Səkİnə Qulİyeva (VTP'20)

Hər birinizə sonsuz təşəkkürümü bildirirəm. Sayənizdə karantin çox maraqlı və öyrədici oldu. Bir çox yeni informasiyalar öyrəndim. Seçilən dostlarımızı təbrik edirəm və bütün proqram iştirakçılarına uğurlar arzu edirəm.

Aydan Atakİşİyeva (VTP'20)

Sadəcə öz adıma deyə bilərəm ki, sizin sayənizdə 2 ay dayanmadan hər gün bir şeylər öyrəndim. Qazandığım hər bir uğurun arxasında həmişə sizin imzanız olacaq. Yeni proqramlarda daha çox insanlara faydalı olacağınıza heç bur şübhəm yoxdur.

Zəhra Vəlİzadə (VTP'20)

Hər bir iştirakçını təbrik edirəm. Gələcək iş həyatınızda uğurlar! Şübhəsiz ki, "VTP 2021" də çox faydalı bir proqram olacaq

Zəhra Sadıqova (VTP'20)

Həqiqətən çox faydalı və maraqlı proqram oldu. Təşəkkürlər bütün komandaya! Hər kəsə uğurlar!

Tərlan Hüseynova (VTP'20)

Yeni layihə xeyirli, uğurlu olsun! Yeni layihədə bir daha təlimlərə qoşulmaq istəyirəm.

Ən çox soruşulan suallar

"VTP" təcrübə proqramı ilə bağlı ən çox soruşulan sualların qısa cavabları ilə tanış ola bilərsiniz.

Proqram ödənişlidirmi?

Təcrübə proqramı tamamilə ödənişsizdir və sosial bir layihədir.

Proqram nə zaman başlayacaq?

“VTP-12” proqramına qeydiyyat hal-hazırda davam edir. Qeydiyyat və seçim prosesi yekunlaşdıqdan sonra proqram start götürəcək. Noyabr ayının əvvəlində başlaması və fevral ayının sonuna kimi davam etməsi nəzərdə tutulur.

Məktəblilər müraciət edə bilərmi?

Təcrübə proqramı tələbə və məzunların iştirakı üçün təşkil edilmişdir. Bu səbəbə görə proqramda məktəblilərin iştirakı nəzərdə tutulmamışdır.

Layihədə hansı ixtisaslardan və ya sahələrdən şəxslər iştirak edə bilər?

Proqramda iş dünyası və texnologiyaya maraqlı olan hər kəs iştirak edə bilər. Proqram ərzində günümüzün texnologiyaları və texnologiyadakı yeni tendensiyalardan bəhs ediləcək.

Fiziki təcrübə olacaqmı?

Proqramın əsas hissəsi (2-3 aylıq period) virtual olaraq onlayn şəkildə aparılacaqdır. Bu müddət bitdikdən sonra aktiv iştirakçılarla oflayn müsahibə və fiziki təcrübə keçmə imkanı nəzərdə tutulmuşdur.

VTP Nədir? VTP - Gənclərin iş dünyasını daha yaxşı başa düşməsi üçün virtual şəkildə təşkil olunan Təcrübə Proqramıdır.

Mükafatlar

Haqqımızda

Namizədə tələblər

Son kurs tələbələri və ya yeni məzun olmuş şəxslər

Ünsiyyət qurma bacarığı

Komandada işləmə bacarığı

Daim öyrənmək həvəsi

İş təcrübəsi olmayan namizədlər müraciət etsin.

Təcrübə Proqramından əldə edəcəkləriniz

Proqram müddətində müxtəlif təlimlərdə ödənişsiz iştirak

Tanınmış şirkətlərin CEO-ları ilə onlayn görüşlər

Real iş təcrübəsi

Bitirmə sertifikatı

İş imkanı

VTP-10 Biznes

Layihəsinin Statistikası

0

0

0

0

0

0

0

VTP-9 NANO

Layihəsinin Statistikası

0

0

0

0

0

0

0

VTP'23 Yay

Layihəsinin Statistikası

0

0

0

0

0

0

0

VTP'22 Qış

Layihəsinin Statistikası

0

0

0

0

0

0

0

VTP'22 Yay

Layihəsinin Statistikası

0

0

0

0

0

0

0

VTP'22 Yaz

Layihəsinin Statistikası

0

0

0

0

0

0

0

VTP'21 Payız

Layihəsinin Statistikası

0

0

0

0

0

0

0

VTP'21 Yay

Layihəsinin Statistikası

VTP Nədir?
VTP - Gənclərin iş dünyasını daha yaxşı başa düşməsi üçün
virtual şəkildə təşkil olunan Təcrübə Proqramıdır.